" శ్రీరంగం " ( భోగ మండపం)
శ్రీరంగం ......శ్రీ రంగనాథ స్వామి.అమ్మవారు....శ్రీ రంగనాయకి.
కావేరి నదీ తీరం నుంచి పెన్నా నదీ తీరం వరకు గల భూభాగం ను చోళులు పాలించారు. వీరి పాలించిన భూప్రాంతమును " చోళనాడు "గా పిలుస్తారు. శ్రీ రంగం నుంచి చిదంబరం వరకు గల ఆలయాల్లో 40 వైష్ణువ ఆలయాలుకు ఆళ్వార్లు మంగళాశాసనములు అందించినారు. వీటిని చోళనాడు దివ్యదేశాలుగా పిలుస్తారు. వీటిలో ప్రధానమైనది "శ్రీరంగం". ఇది శ్రీ వైష్ణువులకు ప్రధాన కేంద్రం. శ్రీ వైష్ణువులు " తిరువరంగం " కొలుస్తారు. శ్రీరంగం ఆలయం కావేరి నది మధ్య ఏర్పడిన ద్వీపంలో ఉంది. శ్రీ మహా విష్ణువు యొక్క ఎనిమిది స్వయం వ్యక్తీకరణ పుణ్యక్షేత్రాలలో (స్వయం వ్యాక్త క్షేత్రాలు) శ్రీరంగం అగ్రస్థానం పొందింది. ఇది 108 దివ్యదేశాలు మొదటిది మరియు అతి ముఖ్యమైనది. ఈ ఆలయాన్ని తిరువరంగ తిరుపతి, పెరియకోయిల్, భూలోగ వైకుండం, భోగమండబం అని కూడా పిలుస్తారు. వైష్ణవ పరిభాషలో “కోయిల్” అనగా ఆలయం. శ్రీరంగం ఆలయం 156 ఎకరాలలో విస్తరించి ఉన్నది. దీనికి 7 ప్రాకారాలు ఉన్నాయి. ఆలయ ప్రాకారాలలో 21 అద్భుతమైన గోపురాలున్నాయి.వీటితో పాటు 55 ఉపాలయాలు, భగవత్ రామానుజుల వారి దేహం కలిగిన రామానుజుల సన్నిధి ,, 12 మంది ఆళ్వార్లు సన్నిధిలు ఉంటాయి.ప్రపంచంలో మొట్టమొదటి స్వయంవ్యక్త విగ్రహం శ్రీరంగనాథుడు ..
ఇక్ష్వాకు వంశం వారిచే కొనబడిన శ్రీరంగనాథుడి విగ్రహం శ్రీ రామచంద్ర మూర్తి చే విభీషణుడికి ఇవ్వబడింది. శ్రీరంగని విగ్రహాo తీసుకొని లంకకు బయలుదేరిన విభీషణుడు... కావేరి నది తీరంలో సంధ్యావందనాన్నికి విగ్రహాన్ని కింద పెట్టడం జరిగింది. మాయా ప్రభావంతో ఆ విగ్రహం అక్కడే స్థాపితం అయిపోయింది... విభీషణుడు ఎంత బతిమాలినా శ్రీరంగనాథుడు అక్కడి నుండి కదలలేదు కానీ విభీషణుడి కోరికపై స్వామివారు లంకకు అభిముఖంగా కావేరీ నదీ తీరంలో వెలసి యున్నాడు. ఈ రోజుకి విభీషణుడు మాయా స్వరూపంతో శ్రీరంగం వచ్చి శ్రీ రంగనాథ దర్శనం చేసి వెళుతుంటాడు అని అక్కడి క్షేత్ర మహత్యం చెబుతోంది. శ్రీవైష్ణవం పుట్టి , ప్రకాశించి, అభివృద్ధి చెందిన ప్రదేశం .........శ్రీరంగం. శ్రీ యమునాచార్యులు వారు దేహత్యాగం చేసిన పవిత్ర ప్రదేశం.......... శ్రీరంగం
రామానుజాచార్యుల వారి దివ్య శరీరం 1000 సంవత్సరాలు నుండి ఇప్పటికీ చెక్కుచెదరకుండా దర్శనమిచ్చు క్షేత్రం.......శ్రీరంగం స్వామి ని ఆండాల్ ( గోదాదేవి) అమ్మవారు పూజించి , తరించి, స్వామి లో ఐక్యమైన క్షేత్రం .........శ్రీరంగంకంబ రామాయణం పుట్టిన ప్రదేశం.......శ్రీరంగం
ఒళ్ళు గగుర్పొడిచే విధంగా .....ప్రపంచంలో ఎక్కడా లేనివిధంగా.... తెల్లవారుజామున జరుగు విశ్వరూప దర్శనంకి ...స్వామివారి పట్టపుటేనుగు " ఆండాళ్ " తో మేలుకొలుపు పాడించుకునే క్షేత్రం ..........శ్రీరంగం.
శ్రీ రంగనాథ స్వామి వారి సుప్రభాతం సేవ అగు విశ్వరూప దర్శనంని చూసి తరించి, అనుభవించాల్సిందే తప్ప మాటల్లో వివరించడానికి వీలు కాని అద్భుతమైన సన్నివేశం అది..... 365 రోజులు దాదాపు ప్రతి రోజు ఏదో ఒక ఉత్సవం వైభవంగా జరుగు ఏకైక పుణ్యక్షేత్రం ........శ్రీరంగం.ప్రపంచంలోని పెద్దదైన గరుడాళ్వార్ సన్నిధి కల పుణ్యక్షేత్రం........ శ్రీరంగం
గర్భాలయంలో పంచముఖ ఆదిశేషువు పైన శయన ముద్రలో శ్రీ రంగనాథ స్వామి దర్శనమిస్తాడు. ఉత్సవమూర్తిని 'నంబెరమాళ్' గా సేవించుతారు. ప్రధానాలయం వెనుక భాగములో అమ్మవారి ఆలయం కలదు. శ్రీ రంగనాయికి తాయారుకు నిత్య సేవలు జరుగుతాయి. తమిళ చిత్తిరై (చైత్రం) మాసంలో రంగనాథ బ్రహ్మోత్సవాలు ఉంటాయి. వైకుంఠ ఏకాదశి మహోత్సవం ఘనంగా జరుగుతాయి. వైకుంఠ ఏకాదశి సందర్భముగా 20 రోజులు పాటు ఉత్సవాలు అంగరంగ వైభవంగా జరుగుతాయి...రేపు రెండవ దివ్య క్షేత్రం విశేషాలు తెలుసుకుందాము స్వస్తి...
శ్రీరంగ రంగ రంగా...కావేటి రంగ రంగా..
జై శ్రీమన్నారాయణ..
ఓం నమో వేంకటేశాయ..