சென்னை பல்கலைக்கழக பட்டமளிப்பு விழாவில் பிஎச்டி பட்டதாரிகள் நேரில் பட்டம் பெற விண்ணப்பிக்கலாம் என அறிவிக்கப்பட்டுள்ளது.
இது தொடர்பாக சென்னை பல்கலைக்கழக பதிவாளர் (பொறுப்பு எஸ்.ஏழுமலை நேற்று வெளியிட்ட செய்திக்குறிப்பில் கூறியிருப்பதாவது: சென்னை பல்கலைக்கழகத்தின் 165-வது பட்டமளிப்பு விழா ஜூன் மாதம் இறுதி வாரத்தில் நடைபெற உள்ளது. இவ்விழாவில் பிஎச்டி பட்டதாரிகள் நேரடியாகப் பட்டம் பெறுவதற்கான விண்ணப்பப் படிவங்கள் தற்போது வழங்கப்பட்டு வருகின்றன.
பல்கலைக்கழக விசாரணை மையத்தில் ரூ.25 செலுத்தி விண்ணப்பத்தைப் பெற்றுக்கொள்ளலாம். மேலும், பல்கலைக்கழக இணையதளத்தில் ( ) இருந்தும் விண்ணப்பத்தைப் பதிவிறக்கம் செய்யலாம். பூர்த்தி செய்யப்பட்ட விண்ணப்பத்தை மே மாதம்22-ம் தேதிக்குள் பல்கலைக்கழகத்தில் சமர்ப்பிக்க வேண்டும். இவ்வாறு அவர் கூறியுள்ளார்.