Maharashtra Higher Primary School Bharti 2024
शालेय शिक्षण विभागाने या बाबतचा शासन निर्णय प्रसिद्ध केला. शिक्षण हक्क कायद्यातील (आरटीई) तरतुदीनुसार सहावी ते आठवीचे वर्ग असलेल्या शंभरपेक्षा जास्त पटसंख्येच्या उच्च प्राथमिक शाळांमध्ये अंशकालीन निदेशक कला शिक्षण, शारीरिक शिक्षण आणि आरोग्य, कार्यानुभव या विषयांसाठी नेमण्याची तरतूद आहे. या संदर्भात उच्च न्यायालयात दाखल याचिकांमध्ये अंशकालीन निदेशकांची पदे भरण्याबाबत धोरण निश्चित करणे, कायमस्वरुपी संवर्ग निर्माण करण्याच्या सूचना न्यायालयाने दिल्या आहेत. या अनुषंगाने उच्च प्राथमिक शाळांमध्ये अंशकालीन निदेशकांचा कायम संवर्ग निर्माण करण्यासाठी समिती नियुक्त करण्यात आली आहे. शिक्षण आयुक्तांच्या अध्यक्षतेखालील या समितीमध्ये आठ सदस्यांचा समावेश आहे
उच्च न्यायालयाच्या आदेशानुसार अंशकालीन निदेशकांचा कायम संवर्ग तयार करणे, अंशकालीन निदेशकांच्या नियुक्तीच्या अटी-शर्ती ठरवणे, केंद्र शासनाच्या मार्गदर्शक तत्त्वांनुसार अंशकालीन पदावर नियुक्ती होण्यासाठी शैक्षणिक अर्हता आणि व्यावसायिक पात्रता निश्चित करणे, अंशकालीन निदेशकांचे मानधन निश्चित करणे अशी समितीची कार्यकक्षा निश्चित करण्यात आल्याचे नमूद करण्यात आले आहे.
The post appeared first on .